TIPITAKA Volume 17 : PALI ROMAN Sutta Pitaka Vol 9 : Sutta. Saṃ. Kha.

[64] Sāvatthiyaṃ . tatra kho . yo bhikkhave rūpaṃ abhinandati dukkhaṃ so abhinandati yo dukkhaṃ abhinandati aparimutto so dukkhasmāti vadāmi . yo vedanaṃ abhinandati . yo saññaṃ abhinandati . yo saṅkhāre abhinandati . yo viññāṇaṃ abhinandati dukkhaṃ so abhinandati yo dukkhaṃ abhinandati aparimutto so dukkhasmāti vadāmi.