TIPITAKA Volume 17 : PALI ROMAN Sutta Pitaka Vol 9 : Sutta. Saṃ. Kha.

[83] Sāvatthiyaṃ . tatra kho . dhammānudhammapaṭipannassa bhikkhave bhikkhuno ayamanudhammo hoti yaṃ rūpe nibbidābahulo 1- vihareyya vedanāya nibbidābahulo vihareyya saññāya nibbidābahulo vihareyya saṅkhāresu nibbidābahulo vihareyya viññāṇe nibbidābahulo vihareyya . so rūpe nibbidābahulo viharanto . vedanāya . Saññāya . saṅkhāresu . viññāṇe nibbidābahulo viharanto rūpaṃ parijānāti . vedanaṃ . saññaṃ . saṅkhāre . viññāṇaṃ parijānāti. So rūpaṃ parijānaṃ . vedanaṃ . saññaṃ . saṅkhāre . viññāṇaṃ parijānaṃ parimuccati rūpamhā parimuccati vedanāya parimuccati saññāya parimuccati saṅkhārehi parimuccati viññāṇamhā @Footnote: 1 Yu. sabbattha nibbidābahulanti dissati. Parimuccati jātiyā jarāya maraṇena sokehi paridevehi dukkhehi domanassehi upāyāsehi parimuccati dukkhasmāti vadāmīti.