๔. ปริญเญยยสูตร

Sāvatthī . pariññeyye ca bhikkhave dhamme desissāmi pariññañca 1- pariññātāviñca puggalaṃ taṃ suṇātha.

Katame ca bhikkhave pariññeyyā dhammā . rūpaṃ bhikkhave pariññeyyo dhammo vedanā saññā .pe. saṅkhārā . viññāṇaṃ pariññeyyo dhammo. Ime vuccanti bhikkhave pariññeyyā dhammā.

Katamā ca bhikkhave pariññā . rāgakkhayo dosakkhayo mohakkhayo. Ayaṃ vuccati bhikkhave pariññā. @Footnote: 1 Po. Yu. pariññā ca.

Katamo ca bhikkhave pariññātāvī puggalo . arahātissa vacanīyaṃ . yo ayaṃ 1- āyasmā evaṃnāmo evaṃgotto. Ayaṃ vuccati bhikkhave pariññātāvī puggaloti.