อนิกีฬิตาวิโน กาเมสูติ ยา กาเมสุ กามกีฬิตํ ๓- อกีฬิตปุพฺพา, อปริภุตฺตกามาติ อตฺโถ. อทฺธานญฺจ อาปาเทนฺตีติ ปเวณึ ปฏิปาเทนฺติ, ทีฆรตฺตํ อนุพนฺธาเปนฺติ. มาตุมตฺตีสูติ มาตุปมาณาสุ. โลกสฺมึ หิ มาตา ภคินี ธีตาติ อิทํ ติวิธํ ครุการมฺมณํ นาม, อิติ ครุการมฺมเณน ๔- อุปนิพนฺธํ จิตฺตํ โสเธตุํ ๕- น ลภตีติ ทสฺเสนฺโต เอวมาห. อถสฺส เตน ปเญฺหน จิตฺตํ อโนตรนฺตํ ทิสฺวา ภควตา ปฏิกูลมนสิการวเสน จิตฺตูปนิพนฺธนตฺถํ วุตฺตํ พตฺตึสาการกมฺมฏฺฐานํ กเถสิ.

@๔ ฉ.ม. ครุการมฺมเณ ๕ ฉ.ม. วิโมเจตุํ

อภาวิตกายาติ อภาวิตปญฺจทฺวาริกกายา. เตสนฺตํ ทุกฺกรํ โหตีติ เตสํ ตํ อสุภกมฺมฏฺฐานํ ภาเวตุํ ทุกฺกรํ โหติ. อิติสฺส อิมินาปิ จิตฺตํ อโนตรนฺตํ ทิสฺวา อินฺทฺริยสํวรสีลํ กเถสิ. อินฺทฺริยสํวรสฺมึ หิ อุปนิพนฺธจิตฺตํ วิโสธิตุํ ๑- น ลภติ. ราชา ตํ สุตฺวา ตตฺถ โอติณฺณจิตฺโต อจฺฉริยํ โภ ภารทฺวาชาติอาทิมาห.