๙. อเจลกสฺสปสุตฺตวณฺณนา

[๓๕๑] นวเม กีวจิรํ ปพฺพชิตสฺสาติ กีวจิโร กาโล ปพฺพชิตสฺสาติ อตฺโถ. อุตฺตริมนุสฺสธมฺโมติ มนุสฺสธมฺโม นาม ทสกุสลกมฺมปถา, ตโต มนุสฺสธมฺมโต อุตฺตรึ. อลมริยญาณทสฺสนวิเสโสติ อริยภาวํ กาตุํ สมตฺถตาย

@๓ องฺ. ทสก. ๒๔/๒๗/๔๑, ขุ.ขุ. ๒๕/๑/๓ อลมริยาโยติ สงฺขาโต ญาณทสฺสนวิเสโส. นคฺเคยฺยาติ นคฺคภาวโต. มณฺเฑยฺยาติ มุณฺฑภาวโต. ปาวฬนิปฺโปตนายาติ ปาวฬนิปฺโปตนโต, ภูมิยํ นิสีทนฺตสฺส อานิสทฏฺฐาเน ๑- ลคฺคานํ ปํสุรชวาลิกานํ โผฏนตฺถํ คหิตโมรปิญฺฉมตฺตโตติ อตฺโถ.