วิมฺหาปนียฏฺเฐน อจฺฉรํ ปหริตพฺพยุตฺตกนฺติ อจฺฉริยํ. อภูตเมว ภูตํ, ๓- อชาตํ หุตฺวา อตฺถีติ ๔- อพฺภุตํ. นิทฺทุกฺขตฺตา อนีติกํ. นิทฺทุกฺขสภาวตฺตา อนีติกธมฺมํ. วานาภาเวน นิพฺพานํ. พฺยาปชฺฌาภาเวเนว อพฺยาปชฺฌํ. วิราคาธิคมสฺส ปจฺจยโต วิราคํ. ปรมตฺถสุทฺธิตาย สุทฺธิ. ตีหิ ภเวหิ มุตฺตตาย มุตฺติ. กามาลยานํ อภาเวน อนาลยํ. ปติฏฺฐฏฺเฐน ทีปํ. อลฺลียิตพฺพยุตฺตฏฺเฐน เลณํ. ตายนฏฺเฐน ตาณํ. ภยสรณฏฺเฐน สรณํ. ภยนาสนนฺติ อตฺโถ. ปรํ อยนํ คติ ปติฏฺฐาติ ปรายณํ. เสสเมตฺถ วุตฺตนยเมวาติ.

อสงฺขตสํยุตฺตวณฺณนา นิฏฺฐิตา

@๓ สี.,ก. อพฺภุตํ ๔ สี. อตฺถีติ วา