2-3. Dutiyasamuddasuttādivaṇṇanā

[229-230] Dutiye samuddoti samuddanaṭṭhena samuddo, kilesanaṭṭhena temanaṭṭhenāti vuttaṃ hoti. Yebhuyyenāti ṭhapetvā ariyasāvake. Samuddāti kilinnā tintā nimuggā. Kantā kulakajātātiādi heṭṭhā vitthāritameva. Maccujahoti tayo maccu jahitvā ṭhito. Nirūpadhīti tīhi upadhīhi anupadhi.

@2 saṃ. saḷā. 18/323/225 (syā) 3 khu. iti. 25/109/328 4 cha. samunnāti Apunabbhavāyāti nibbānatthāya. Mohayī maccurājanti yathāssa gatiṃ na jānāti, evaṃ maccurājānaṃ mohetvā gato. Tatiyaṃ vuttanayameva.