TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.

[189] Saññojaniye ca bhikkhave dhamme desissāmi saññojanañca taṃ suṇātha . katame ca bhikkhave saññojaniyā dhammā katamañca saññojanaṃ . santi bhikkhave cakkhuviññeyyā rūpā iṭṭhā kantā Manāpā piyarūpā kāmūpasañhitā rajaniyā . ime vuccanti bhikkhave saññojaniyā dhammā yo tattha chandarāgo taṃ tattha saññojanaṃ .pe. santi bhikkhave jivhāviññeyyā rasā .pe. santi bhikkhave manoviññeyyā dhammā iṭṭhā kantā manāpā piyarūpā kāmūpasañhitā rajaniyā . ime vuccanti bhikkhave saññojaniyā dhammā yo tattha chandarāgo taṃ tattha saññojananti. Navamaṃ.