TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.

[560] Ekaṃ samayaṃ āyasmā kāmabhū macchikasaṇḍe viharati ambāṭakavane . atha kho citto gahapati yenāyasmā kāmabhū tenupasaṅkami upasaṅkamitvā āyasmantaṃ kāmabhuṃ abhivādetvā ekamantaṃ nisīdi . ekamantaṃ nisinno kho citto gahapati āyasmantaṃ kāmabhuṃ etadavoca kati nu kho bhante saṅkhārāti . tayo kho gahapati saṅkhārā kāyasaṅkhāro vacīsaṅkhāro cittasaṅkhāroti.