TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.

[254] Atha kho aññataro bhikkhu yena bhagavā tenupasaṅkami .pe. Ekamantaṃ nisinno kho 1- so bhikkhu bhagavantaṃ etadavoca kathaṃ nu kho bhante jānato kathaṃ passato micchādiṭṭhi pahiyyatīti . cakkhuṃ kho bhikkhu aniccato jānato passato micchādiṭṭhi pahiyyati . rūpe aniccato jānato passato micchādiṭṭhi pahiyyati . cakkhuviññāṇaṃ aniccato jānato passato micchādiṭṭhi pahiyyati . cakkhusamphassaṃ aniccato jānato passato micchādiṭṭhi pahiyyati .pe. yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato micchādiṭṭhi pahiyyati . evaṃ kho bhikkhu jānato evaṃ passato micchādiṭṭhi pahiyyatīti. Dasamaṃ.