TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.

[468] Atha kho āyasmā anuruddho yena bhagavā tenupasaṅkami .pe. ekamantaṃ nisinno kho āyasmā anuruddho bhagavantaṃ etadavoca idhāhaṃ bhante mātugāmaṃ passāmi dibbena cakkhunā visuddhena atikkantamānusakena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjantaṃ . katīhi nu kho bhante dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatīti.