๔. อินฺทฺริยสํยุตฺต

๑. สุทฺธิกวคฺค

๑. สุทฺธิกสุตฺตวณฺณนา

[๔๗๑] อินฺทฺริยสํยุตฺตสฺส ปฐเม สทฺธินฺทฺริยํ สตินฺทริยํ ปญฺญินฺทฺริยนฺติ อิมานิ ตีณิ จตุภูมกกุสลวิปาเกสุ เจว กิริยาสุ จ ลพฺภนฺติ. วีริยินฺทฺริย- สมาธินฺทฺริยานิ จตุภูมกกุสเลสุ อกุสลวิปาเก กิริยายาติ สพฺพตฺถ ลพฺภนฺติ. อิติ อิทํ สุตฺตํ จตุภูมกสพฺพสงฺคาหกธมฺมปริจฺเฉทวเสน วุตฺตนฺติ เวทิตพฺพํ.