๑๐. กิมิลสุตฺตวณฺณนา

[๙๘๖] ทสเม กิมิลายนฺติ ๓- เอวํนามเก นคเร. เอตทโวจาติ เถโร กิร จินฺเตสิ "อยํ ๔- เทสนา น ยถานุสนฺธิกา กตา, ยถานุสนฺธึ คมิสฺสามี"ติ

@๓ สี. กิมฺพิลายนฺติ ๔ ก. สยํ เทสนานุสนฺธึ ฆเฏนฺโต เอตํ อโวจ. กายญฺญตรนฺติ ปฐวีอาทีสุ กาเยสุ อญฺญตรํ วทามิ, วาโยกายํ วทามีติ อตฺโถ. อถวา จกฺขฺวายตนํ ฯเปฯ กพฬีกาโร อาหาโรติ ปญฺจวีสติ รูปโกฏฺฐาสา รูปกาโย นาม, เตสุ อานาปานํ โผฏฺฐพฺพายตเน สงฺคหิตตฺตา กายญฺญตรํ โหติ, ตสฺมาปิ เอวมาห. ตสฺมา ติหาติ ยสฺมา จตูสุ กาเยสุ อญฺญตรํ วาโยกายํ, ปญฺจวีสติ โกฏฺฐาเส วา รูปกาเย อญฺญตรํ อานาปานํ อนุปสฺสติ, ตสฺมา กาเย กายานุปสฺสีติ อตฺโถ. เอวํ สพฺพตฺถ อตฺโถ เวทิตพฺโพ. เวทนาญฺญตรนฺติ ตีสุ เวทนาสุ อญฺญตรํ, สุขเวทนํ สนฺธาเยตํ วุตฺตํ.