"อพฺภนฺตเร อตฺตา นาม อาโลเกตา วา วิโลเกตา วา นตฺถิ, `อาโลเกสฺสามี'ติ ปน จิตฺเต อุปฺปชฺชมาเน เตเนว จิตฺเตน สทฺธึ จิตฺตสมุฏฺฐานา วาโยธาตุ วิญฺญตฺตึ ชนยมานา อุปฺปชฺชติ. อิติ จิตฺตกิริยวาโยธาตุวิปฺผารวเสน เหฏฺฐิมํ อกฺขิทลํ อโธ สีทติ, อุปริมํ อุทฺธํ ลงฺเฆติ, ๑- โกจิ ยนฺตเกน วิวรนฺโต นาม นตฺถิ, ตโต จกฺขุวิญฺญาณํ ทสฺสนกิจฺจํ สาเธนฺตํ อุปฺปชฺชตี"ติ เอวํ ปชานนํ ปชเนตฺถ อสมฺโมหสมฺปชญฺญํ นาม.

อปิจ มูลปริญฺญาอาคนฺตุกตาวกาลิกภาววเสน เจตฺถ ๒- อสมฺโมหสมฺปชญฺญํ เวทิตพฺพํ. มูลปริญฺญาวเสน ตาว:-

ภวงฺคาวชฺชนญฺเจว ทสฺสนํ สมฺปฏิจฺฉนํ