๓. ฉนฺทสมาธิสุตฺตวณฺณนา

[๘๒๕] ตติเย ฉนฺทนฺติ กตฺตุกมฺยตาฉนฺทํ. นิสฺสายาติ นิสฺสยํ กตฺวา, อธิปตึ กตฺวาติ อตฺโถ. ปธานสงฺขาราติ ปธานภูตา สงฺขารา, จตุกิจฺจสาธกสมฺมปฺปธานวีริยสฺเสตํ อธิวจนํ. อิติ อยํ จ ฉนฺโทติอาทิสุ ฉนฺโท ฉนฺทสมาธินา เจว ปธานสงฺขาเรหิ จ, ฉนฺทสมาธิ ฉนฺเทน เจว ปธานสงฺขาเรหิ จ, ปธานสงฺขาราปิ ฉนฺเทน เจว สมาธินา จ ๔- สมนฺนาคตา. ตสฺมา สพฺเพ

@๓ ฉ.ม. จสทฺโท น ทิสฺสติ ๔ ฉ.ม. ฉนฺทสมาธินา จ เจเต ๑- ธมฺเม เอกโต กตฺวา อยํ วุจฺจติ ภิกฺขเว ฉนฺทสมาธิปธานสงฺขารสมนฺนาคโต อิทฺธิปาโทติ วุตฺตํ.