อิตฺถิกถาปิ วณฺณสณฺฐานาทีนิ ปฏิจฺจ อสฺสาทวเสน วตฺตุํ น วฏฺฏติ, "สทฺธา ปสนฺนา ขยํ คตา"ติ เอวเมว วฏฺฏติ. สูรกถาปิ "นนฺทิมิตฺโต นาม โยโธ สูโร อโหสี"ติ อสฺสาทวเสน วตฺตุํ น วฏฺฏติ, "สทฺโธ ปสนฺโน อโหสิ, ขยํ คโต"ติ เอวเมว วฏฺฏติ. สุรากถาติปิ ปาโฐ. สาปิ เจสา สุรากถา "เอวรูปา นาม สุรา ปีตา รติชนนี โหตี"ติ อสฺสาทวเสเนว น วฏฺฏติ, อาทีนววเสเนว ๒- ปน "อุมฺมตฺตกสํวตฺตนิกา"ติอาทินา นเยน วฏฺฏติ. วิสิขากถาปิ "อสุกวิสิขา สุนิวิฏฺฐา ทุนฺนิวิฏฺฐา"ติ วา, "อสุกวิสิขาย วาสิโน สูรา สมตฺถา"ติ วา อสฺสาทวเสเนว วตฺตุํ น วฏฺฏติ, "สทฺธา ปสนฺนา ขยํ คตา"ติ อิจฺเจวํ วฏฺฏติ. กุมฺภฏฺฐานกถาติ กุมฺภฏฺฐานกถา ๓- อุทกติตฺถกถา วุจฺจติ, กุมฺภทาสิกถา วา. สาปิ "ปาสาทิกา นจฺจิตุํ คายิตุํ เฉกา"ติ อสฺสาทวเสน น วฏฺฏติ, "สทฺธา ปสนฺนา"ติอาทินา นเยเนว วฏฺฏติ.

ปุพฺพเปตกถาติ อตีตญาติกถา. ตตฺถ วตฺตมานญาติกถาสทิโสว วินิจฺฉโย. นานตฺตกถาติ ปุริมปจฺฉิมกถาหิ วิมุตฺตา อวเสสา นานาสภาวา นิรตฺถกกถา. โลกกฺขายิกาติ "อยํ โลโก เกน นิมฺมิโต, อสุเกน นาม นิมฺมิโต, กาโก

ปฐโม วคฺโค.