[๑๑๓๔] สุราเมรยมชฺชปฺปมาทฏฺฐานา ปฏิวิรตาติ เอตฺถ สุรา นาม ปิฏฺฐสุรา โอทนสุรา ปูวสุรา กิณฺณปกฺขิตฺตา สมฺภารสํยุตฺตาติ ปญฺจวิธา. เมรยํ นาม ปุปฺผาสโว ผลาสโวติ เอวํ วุตฺโต โย โกจิ อาสโว. มชฺชนฺติ ตเทว อุภยํ, ยํ วา ปนญฺญมฺปิ สุราสววินิมุตฺตํ มทนียํ. ยาย เจตนาย ตํ ปิวนฺติ, สา ปมาทสฺส การณตฺตา ปมาทฏฺฐานํ นาม, ตโต ปฏิวิรตาติ อตฺโถ.

๖-๗. มตฺเตยฺยสุตฺตาทิวณฺณนา

[๑๑๓๖-๓๗] มตฺเตยฺยาติ มาตุหิตา, มาตริ สมฺมาปฏิปนฺนาติ อตฺโถ. เปตฺเตยฺยาทีสุ ปิตุหิตา เปตฺเตยฺยา.

๘-๙. สามญฺญสุตฺตาทิวณฺณนา