ภตฺตสมฺมโทติ ภตฺตปริฬาโห, ยํ สนฺธาย วุตฺตํ "ตตฺถ กตโม ภตฺตสมฺมโท, ยา ภุตฺตาวิสฺส ภตฺตมุจฺฉา ภตฺตกิลมโถ ภตฺตปริฬาโห กายทุฏฺฐุลฺลํ, อยํ วุจฺจติ ภตฺตสมฺมโท"ติ. ๖- เจตโส จ ลีนตฺตนฺติ จิตฺตสฺส ลียนากาโร, ยํ สนฺธาย วุตฺตํ "ตตฺถ กตมํ เจตโส ลีนตฺตํ, ยา จิตฺตสฺส อกลฺยตา อกมฺมญฺญตา โอลียนา สลฺลียนา ลีนํ ลียนา ลียิตตฺตํ ถินํ ถิยนา ถิยิตตฺตํ จิตฺตสฺส, อิทํ วุจฺจติ เจตโส ลีนตฺตนฺ"ติ. ๖-

เจตโส อวูปสโมติ ยถา นาม วีตจฺจิโกปิ องฺคาโร เนว ตาว สนฺนิสีทติ ปตาปํ กโรติเยว, ยถา จ ปตฺตปจนฏฺฐาเน เนว ตาว สนฺนิสีทติ ปตาปํ กโรติเยว, เอวํ จิตฺตสฺส อวูปสนฺตากาโร, อตฺถโต ปเนตํ อุทฺธจฺจกุกฺกุจฺจเมว โหติ.

@๔ อภิ.วิ. ๓๕/๘๕๗-๘/๔๒๙ ๕ ก. ปณามนา พฺยาธิยตํ ๖ อภิ.วิ. ๓๕/๘๕๙-๖๐/๔๒๙