TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.

[801] Yesaṃ kesañci bhikkhave cattāro satipaṭṭhānā viraddhā viraddho tesaṃ ariyo aṭṭhaṅgiko 1- maggo sammādukkhakkhayagāmī . Yesaṃ kesañci bhikkhave cattāro satipaṭṭhānā āraddhā āraddho tesaṃ ariyo aṭṭhaṅgiko 1- maggo sammādukkhakkhayagāmī . katame cattāro . idha bhikkhave bhikkhu kāye kāyānupassī viharati ātāpī @Footnote: 1 Ma. Yu. ayaṃ pāṭho natthi. evamuparipi. Sampajāno satimā vineyya loke abhijjhādomanassaṃ . vedanāsu citte dhammesu dhammānupassī viharati ātāpī sampajāno satimā vineyya loke abhijjhādomanassaṃ . yesaṃ kesañci bhikkhave ime cattāro satipaṭṭhānā viraddhā viraddho tesaṃ ariyo aṭṭhaṅgiko maggo sammādukkhakkhayagāmī . yesaṃ kesañci bhikkhave ime cattāro satipaṭṭhānā āraddhā āraddho tesaṃ ariyo aṭṭhaṅgiko maggo sammādukkhakkhayagāmīti.