TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.

[1221] Sāvatthīnidānaṃ . atha kho āyasmā ānando yena Bhagavā tenupasaṅkami upasaṅkamitvā bhagavantaṃ abhivādetvā ekamantaṃ nisīdi . ekamantaṃ nisinno kho āyasmā ānando bhagavantaṃ etadavoca katamā nu kho bhante iddhi katamo iddhipādo katamā iddhipādabhāvanā katamā iddhipādabhāvanāgāminī paṭipadāti.