TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.

[1493] Ye te bhikkhave anukampeyyātha ye ca sotabbaṃ maññeyyuṃ mittā vā amaccā vā ñātī vā sālohitā vā te bhikkhave catūsu sotāpattiyaṅgesu samādapetabbā nivesetabbā patiṭṭhāpetabbā . katamesu catūsu . buddhe aveccappasāde samādapetabbā nivesetabbā patiṭṭhāpetabbā itipi so bhagavā .pe. satthā devamanussānaṃ buddho bhagavāti . dhamme saṅghe . Ariyakantesu sīlesu samādapetabbā nivesetabbā patiṭṭhāpetabbā akkhaṇḍesu .pe. samādhisaṃvattanikesu . ye te bhikkhave Anukampeyyātha ye ca sotabbaṃ maññeyyuṃ mittā vā amaccā vā ñātī vā sālohitā vā te bhikkhave imesu catūsu sotāpattiyaṅgesu samādapetabbā nivesetabbā patiṭṭhāpetabbāti.