TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.

[274] Sāvatthīnidānaṃ . seyyathāpi himavantaṃ bhikkhave pabbatarājaṃ nissāya nāgā kāyaṃ vaḍḍhenti balaṃ gāhenti te tattha kāyaṃ vaḍḍhetvā balaṃ gāhetvā kusubbhe 1- otaranti kusubbhe otaritvā mahāsobbhe otaranti mahāsobbhe otaritvā kunnadiyo otaranti kunnadiyo otaritvā mahānadiyo otaranti mahānadiyo otaritvā mahāsamuddasāgaraṃ 2- otaranti te tattha mahantattaṃ vepullattaṃ āpajjanti kāyena . evameva kho bhikkhave bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto mahantattaṃ 3- vepullattaṃ pāpuṇāti dhammesu.