TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.

[505] Rañño bhikkhave cakkavattissa pātubhāvā sattannaṃ ratanānaṃ pātubhāvo hoti . katamesaṃ sattannaṃ . cakkaratanassa pātubhāvo hoti hatthiratanassa pātubhāvo hoti assaratanassa pātubhāvo hoti maṇiratanassa pātubhāvo hoti itthīratanassa pātubhāvo hoti gahapatiratanassa pātubhāvo hoti pariṇāyakaratanassa pātubhāvo Hoti . rañño bhikkhave cakkavattissa pātubhāvā imesaṃ sattannaṃ ratanānaṃ pātubhāvo hoti.