TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.

[696] Sāvatthīnidānaṃ . tatra kho bhagavā .pe. etadavoca akusalarāsīti bhikkhave vadamāno pañca nīvaraṇe sammā vadamāno vadeyya . kevalo hāyaṃ bhikkhave akusalarāsi yadidaṃ pañca nīvaraṇā. Katame pañca . kāmacchandanīvaraṇaṃ byāpādanīvaraṇaṃ thīnamiddha- nīvaraṇaṃ uddhaccakukkuccanīvaraṇaṃ vicikicchānīvaraṇaṃ . akusalarāsīti bhikkhave vadamāno ime pañca nīvaraṇe sammā vadamāno vadeyya . Kevalo hāyaṃ bhikkhave akusalarāsi yadidaṃ pañca nīvaraṇā.