TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma. Ekadhammapeyyālo sattamo

[147] Sāvatthīnidānaṃ . ekadhammo bhikkhave bahūpakāro ariyassa aṭṭhaṅgikassa maggassa uppādāya . katamo ekadhammo . yadidaṃ kalyāṇamittatā . kalyāṇamittassetaṃ bhikkhave bhikkhuno pāṭikaṅkhaṃ ariyaṃ aṭṭhaṅgikaṃ maggaṃ bhāvessati ariyaṃ aṭṭhaṅgikaṃ maggaṃ bahulīkarissatīti.