TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma. Nāhantaekadhammapeyyālo 1- aṭṭhamo

[165] Sāvatthīnidānaṃ . nāhaṃ bhikkhave aññaṃ ekadhammaṃpi samanupassāmi yena anuppanno vā ariyo aṭṭhaṅgiko maggo uppajjati uppanno vā ariyo aṭṭhaṅgiko maggo bhāvanāpāripūriṃ gacchati . yathayidaṃ bhikkhave kalyāṇamittatā . kalyāṇamittassetaṃ bhikkhave bhikkhuno pāṭikaṅkhaṃ ariyaṃ aṭṭhaṅgikaṃ maggaṃ bhāvessati ariyaṃ aṭṭhaṅgikaṃ maggaṃ bahulīkarissatīti.