{๓๓๐} ทุติยสิกฺขาปเท ฯ องฺคุลีปโฏทเกติ องฺคุลีหิ อุปกจฺฉาทิฆฏฺฏนํ วุจฺจติ ฯ อุตฺตสนฺโตติ อติหาเสน กิลมนฺโต ฯ อนสฺสาสโกติ อุปจฺฉินฺนอสฺสาสปฺปสฺสาสสญฺจาโร หุตฺวา ฯ อนุปสมฺปนฺนํ กาเยน กายนฺติ เอตฺถ ภิกฺขุนีปิ อนุปสมฺปนฺนฏฺฐาเน ฐิตา ฯ ตํปิ ขิฑฺฑาธิปฺปาเยน ผุสนฺตสฺส ทุกฺกฏํ ฯ เสสเมตฺถ อุตฺตานเมว ฯ

ปฐมปาราชิกสมุฏฺฐานํ กิริยา สญฺญาวิโมกฺขํ สจิตฺตกํ โลกวชฺชํ กายกมฺมํ อกุสลจิตฺตํ ทฺวิเวทนนฺติ ฯ

องฺคุลีปโฏทกสิกฺขาปทํ ทุติยํ ฯ