{๔๗๔} นวมสิกฺขาปเท ฯ สเจ จ ๑- มยํ ชาเนยฺยามาติ สเจ มยํ ชาเนยฺยาม ฯ จกาโร ปน นิปาตมตฺตเมว ฯ ธมฺมิกานนฺติ ธมฺเมน วินเยน สตฺถุสาสเนน กตตฺตา ธมฺโม เอเตสุ อตฺถีติ ธมฺมิกานิ ฯ เตสํ ธมฺมิกานํ จตุนฺนํ สงฺฆกมฺมานํ ฯ ขียติ อาปตฺติ ปาจิตฺติยสฺสาติ เอตฺถ วาจาย วาจาย ปาจิตฺติยํ ฯ เสสเมตถ อุตฺตานเมว ฯ ติสมุฏฺฐานํ กิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ

กมฺมปฏิพาหนสิกฺขาปทํ นวมํ ฯ