{๕๓๑-๕๓๔} สตฺตมสิกฺขาปเท ฯ นิสีทนํ อนุญฺญาตํ โหตีติ กตฺถ อนุญฺญาตํ ฯ จีวรกฺขนฺธเก ปณีตโภชนวตฺถุสฺมึ ฯ วุตฺตํ หิ ตตฺถ อนุชานามิ ภิกฺขเว กายคุตฺติยา จีวรคุตฺติยา เสนาสนคุตฺติยา นิสีทนนฺติ ๑- ฯ

ยถา หิ ปุราณจมฺมกาโร จมฺมํ วิตฺถตํ กริสฺสามีติ อิโตจีโตจ สมญฺฉติ นิกฺกฑฺฒติ เอวํ โสปิ ตํ นิสีทนํ ฯ เตน ตํ ภควา เอวมาห ฯ นิสีทนนฺนาม สทสํ วุจฺจตีติ สนฺถตสทิสํ สนฺถริตฺวา เอกสฺมึ อนฺเต สุคตวิทตฺถิยา วิทตฺถิมตฺเต ปเทเส ทฺวีสุ ฐาเนสุ ผาเลตฺวา ติสฺโส ทสา กริยนฺติ ตาหิ ทสาหิ สทสนฺนาม วุจฺจติ ฯ เสสเมตฺถ อุตฺตานเมว ฯ ฉสฺสมุฏฺฐานํ ฯ

นิสีทนสิกฺขาปทํ สตฺตมํ ฯ