{๕๕๘} ทุติยสิกฺขาปเท ฯ อปสกฺก ตาว ภคินีติอาทิ อปสาเทตพฺพาการทสฺสนํ ฯ {๕๖๑} อตฺตโน ภตฺตํ ทาเปติ น เทตีติ เอตฺถ สเจปิ อตฺตโน ภตฺตํ เทติ อิมินา สิกฺขาปเทน อนาปตฺติเยว ฯ ปุริมสิกฺขาปเทน อาปตฺติ ฯ อญฺญสฺส ภตฺตํ เทติ น ทาเปตีติ เอตฺถ ปน สเจ ทาเปยฺย อิมินา สิกฺขาปเทน อาปตฺติ ภเวยฺย เทนฺติยา ปน เนว อิมินา น ปุริเมน อาปตฺติ ฯ เสสเมตฺถ อุตฺตานเมว ฯ กฐินสมุฏฺฐานํ กิริยากิริยํ โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ

ทุติยปาฏิเทสนียํ ฯ