{474} Navamasikkhāpade. Sace ca mayaṃ jāneyyāmāti sace mayaṃ jāneyyāma. Cakāro pana nipātamattameva. Dhammikānanti dhammena vinayena satthusāsanena katattā dhammo etesu atthīti dhammikāni. Tesaṃ dhammikānaṃ catunnaṃ saṅghakammānaṃ. Khīyati āpatti pācittiyassāti ettha vācāya vācāya pācittiyaṃ. Sesametatha uttānameva. Tisamuṭṭhānaṃ kiriyā saññāvimokkhaṃ sacittakaṃ lokavajjaṃ kāyakammaṃ vacīkammaṃ akusalacittaṃ dukkhavedananti.

Kammapaṭibāhanasikkhāpadaṃ navamaṃ.