{459} Chaṭṭhasikkhāpade. Anuddhaṃsentīti te hi sayaṃ ākiṇṇadosattā evaṃ bhikkhū amhe neva codessanti na sāressantīti attaparittāṇaṃ karontā paṭikacceva bhikkhū amūlakena saṅghādisesena codenti. Sesamettha terasakaṇḍamhi amūlakasikkhāpade vuttanayattā uttānameva. Tisamuṭṭhānaṃ kiriyā saññāvimokkhaṃ sacittakaṃ lokavajjaṃ kāyakammaṃ vacīkammaṃ akusalacittaṃ dukkhavedananti.

Amūlakasikkhāpadaṃ chaṭṭhaṃ.