{591} Arūpiye rūpiyasaññīti kharapattādīsu suvaṇṇādisaññī. Āpatti dukkaṭassāti sace tena arūpiyaṃ cetāpeti dukkaṭāpatti hoti. Esa nayo vematike. Arūpiyasaññissa pana pañcahi sahadhammikehi saddhiṃ idaṃ gahetvā idaṃ dethāti kayavikkayaṃ karontassāpi anāpatti. Sesaṃ uttānatthameva.

Chassamuṭṭhānaṃ kiriyā nosaññāvimokkhaṃ acittakaṃ paṇṇattivajjaṃ kāyakammaṃ vacīkammaṃ ticittaṃ tivedananti.

Rūpiyasabyohārasikkhāpadaṃ niṭṭhitaṃ.