๗. วจฺฉโคตฺตสุตฺตวณฺณนา

[๕๘] สตฺตเม มหปฺผลนฺติ มหาวิปากํ. ธมฺมสฺส จ อนุธมฺมํ พฺยากโรนฺตีติ เอตฺถ ธมฺโม นาม กถิตกถา, อนุธมฺโม นาม กถิตสฺส ปฏิกถนํ. สหธมฺมิโกติ สการโณ สเหตุโก. วาทานุปาโตติ วาทสฺส อนุปาโต, อนุปตนํ ปวตฺตีติ อตฺโถ.

อนฺตรายกโร โหตีติ อนฺตรายํ วินาสํ กิญฺจิ โลมกํ ๒- วิโลมกํ กโรติ. ปาริปนฺถิโกติ ปนฺถทูหนโจโร. ๓- ขโต จ โหตีติ คุณขณเนน ขโต โหติ. อุปหโตติ คุณูปฆาเตเนว อุปหโต.