๔. จตุตฺถวคฺควณฺณนา

[๓๒๒] จตุตฺถสฺส ๑- ปฐเม ชมฺพูทีเปติ ชมฺพุยา ปญฺญาโต ปากโฏ ทีโปติ ชมฺพูทีโป. ๒- อิมสฺส กิร ทีปสฺส ปญฺญาณภูตา ๓- โยชนสตุพฺเพธา ปณฺณาสโยชนสาขา ปญฺจทสโยชนวฏฺฏกฺขนฺธา หิมวนฺตปพฺพเต ชาตา กปฺปฏฺฐายินี มหาชมฺพู นาม อตฺถิ, ตาย อยํ ทีโป ชมฺพูทีโปติ วุจฺจติ. ยถา จ อิมสฺมึ ทีเป ชมฺพูรุกฺโข กปฺปฏฺฐายิ, ตถา อมรโคยาเน ๔- กทมฺพรุกฺโข, อุตฺตรกุรูสุ กปฺปรุกฺโข, ปุพฺพวิเทเห สิรีสรุกฺโข, อสุรานํ จิตฺตปาตลี, ๕- สุปณฺณานํ สิมฺพลิรุกฺโข, เทวานํ ปาริจฺฉตฺตโกติ อิเมปิ กปฺปฏฺฐายิโนว.

ปาตลี ๖- สิมฺพลี ชมฺพู เทวานํ ปาริฉตฺตโก

กทมฺโพ กปฺปรุกฺโข จ สิรีเสน ภวติ สตฺตมนฺติ. ๗-