๙. อนฺธสุตฺตวณฺณนา

[๒๙] นวเม จกฺขุ น โหตีติ ปญฺญาจกฺขุ น โหติ. ผาตึ กเรยฺยาติ ผีตํ วฑฺฒิตํ กเรยฺย. สาวชฺชานวชฺเชติ สโทสนิทฺโทเส. หีนปฺปณีเตติ อธมุตฺตเม.

@๕ ฉ.ม. นาสฺส ๖ ขุ.อุ. ๒๕/๖๕/๒๐๖ อปรลกุณฺฑกภทฺทิยสุตฺต ๗ ฉ.ม.,อิ. เอวรูปี กณฺหสุกฺกสปฺปฏิภาเคติ กณฺหสุกฺกาเยว อญฺญมญฺญํ ปฏิพาหนโต ปฏิปกฺขวเสน สปฺปฏิภาคาติ วุจฺจนฺติ. อยํ ปเนตฺถ สงฺเขโป:- กุสเล ธมฺเม "กุสลา ธมฺมา"ติ ชาเนยฺย, อกุสเล ธมฺเม "อกุสลา ธมฺมา"ติ ชาเนยฺย. สาวชฺชาทีสุปิ เอเสว นโย. กณฺหสุกฺกสปฺปฏิภาเคสุ ปน กณฺหธมฺเม "สุกฺกสปฺปฏิภาคา"ติ ชาเนยฺย, สุกฺกธมฺเม กณฺหสปฺปฏิภาคา"ติ เยน ปญฺญาจกฺขุนา ชาเนยฺย, ตถารูปํปิสฺส จกฺขุ น โหตีติ. อิมินา นเยน เสสวาเรสุปิ อตฺโถ เวทิตพฺโพ.