@๕ ฉ.ม.,อิ. สมนฺตโต ๖ ขุ.ปฏิ. ๓๑/๓๘๘/๒๖๔ อานาปานกถา (สฺยา) ปจฺจกฺขํ กตฺวา วิหรามิ. เอวมฺภูโตติ เอวํ ปฐมชฺฌานาทีสุ อญฺญตรสมงฺคี หุตฺวา. ทิพฺโพ เม เอโส ตสฺมึ สมเย จงฺกโม โหตีติ จตฺตาริ หิ รูปชฺฌานานิ สมาปชฺชิตฺวา จงฺกมนฺตสฺส เม ๑- จงฺกโม ทิพฺพจงฺกโมเยว. ๒- ฐานาทีสุปิ เอเสว นโย. ตถา อิตเรสุ ทฺวีสุ วิหาเรสุ.
โส เอวํ ปชานามิ "ราโค เม ปหีโน"ติ มหาโพธิปลฺลงฺเก อรหตฺตมคฺเคน ปหีนราคเมว ทสฺเสนฺโต "โส เอวํ ปชานามิ ราโค เม ปหีโน"ติ อาห. เสสปเทสุปิ เอเสว นโย. อิมินา ปน กึ กถิตํ โหตีติ? ปจฺจเวกฺขณา กถิตา, ปจฺจเวกฺขณาย ผลสมาปตฺติ กถิตา. ผลสมาปตฺติญฺหิ สมาปนฺนสฺสปิ สมาปตฺติโต วุฏฺฐิตสฺสปิ จงฺกมาทโย อริยจงฺกมาทโย โหนฺติ. เสสเมตฺถ อุตฺตานเมวาติ. ๓-