@๖ สํ.ส. ๑๕/๑๘๗/๑๙๒ ธนญฺชานีสุตฺต ๗ ม.มู. ๑๒/๑/๑ มูลปริยายสุตฺต
@๘ ฉ.ม. วจนสมฺปฏิคฺคเห ๙ ฉ.ม. ภนฺเต ๑๐ ม.มู. ๑๒/๓๙๘/๓๕๖ มหาตณฺหาสงฺขยสุตฺต
@๑๑ ที.สี. ๙/๔๔๕/๑๙๗ สุภสุตฺต ๑๒ องฺ.ติก. ๒๐/๖๖/๑๘๕ เกสปุตฺติสุตฺต
ตตฺถ อาการตฺเถน เอวํสทฺเทน เอตมตฺถํ ทีเปติ:- นานานยนิปุณมเนกชฺฌาสย- สมุฏฺฐานํ อตฺถพฺยญฺชนสมฺปนฺนํ วิวิธปาฏิหาริยํ ธมฺมตฺถเทสนาปฏิเวธคมฺภีรํ สพฺพสตฺตานํ สกสกภาสานุรูปโต โสตปถมาคจฺฉนฺตํ ตสฺส ภควโต วจนํ สพฺพปฺปกาเรน โก สมตฺโถ วิญฺญาตุํ, สพฺพถาเมน ปน โสตุกามตํ ชเนตฺวาปิ เอวมฺเม สุตํ, มยาปิ เอเกนากาเรน สุตนฺติ.