@๑๒ องฺ.ติก. ๒๐/๑๕/๑๐๖ สเจตนสุตฺต ๑๓ องฺ.จตุกฺก. ๒๑/๓๖/๔๒ โทณสุตฺต
@๑๔ องฺ.จตุกฺก. ๒๑/๓๑/๓๗ จกฺกสุตฺต ๑๕ ที.ม. ๑๐/๒๔๓/๑๕๐ จกฺกรตน, ม.อุ.
@๑๔/๒๕๖/๒๒๓ พาลปณฺฑิตสุตฺต
ปวตฺติตนฺติ เอตฺถ จ ธมฺมจกฺกํ อภินีหรติ นาม, อภินีหฏํ นาม, อุปฺปาเทติ นาม, อุปฺปาทิตํ นาม, ปวตฺเตติ นาม, ปวตฺติตํ นามาติ อยํ ปเภโท เวทิตพฺโพ. กุโต ปฏฺฐาย ธมฺมจกฺกํ อภินีหรติ นามาติ? ยทา สุเมธพฺราหฺมโณ หุตฺวา กาเมสุ อาทีนวํ เนกฺขมฺเมว ๑- อานิสํสํ ทิสฺวา สตฺตสตกมหาทานํ ๒- ทตฺวา อิสิปพฺพชฺชํ ปพฺพชิตฺวา ปญฺจ อภิญฺญา อฏฺฐ สมาปตฺติโย นิพฺพตฺเตสิ, ตโต ปฏฺฐาย ธมฺมจกฺกํ อภินีหรติ นาม.