กทา ปวตฺเตติ นาม? โพธิมณฺเฑ สตฺตสตฺตาหํ วีตินาเมตฺวา อิสิปตเน มิคทาเย อญฺญาโกณฺฑญฺญตฺเถรํ กายสกฺขึ กตฺวา ธมฺมจกฺกปฺปวตฺตนสุตฺตนฺตํ เทเสนฺโต ธมฺมจกฺกํ ปวตฺเตติ นาม.

ยทา ปน อญฺญาโกณฺฑญฺญตฺเถเรน ทสพลสฺส เทสนาญาณานุภาวนิพฺพตฺตํ สวนํ ลภิตฺวา สพฺพปฐมํ ธมฺโม อธิคโต, ตโต ปฏฺฐาย ธมฺมจกฺกํ ปวตฺติตํ นาม โหตีติ เวทิตพฺพํ. ๓- ธมฺมจกฺกนฺติ เจตํ เทสนาญาณสฺสปิ นามํ ปฏิเวธญาณสฺสปิ. เตสุ เทสนาญาณํ โลกิยํ, ปฏิเวธญาณํ โลกุตฺตรํ. กสฺส เทสนาญาณํ ปฏิเวธญาณนฺติ ๔- ? น อญฺญสฺส กสฺสจิ, สมฺมาสมฺพุทฺธสฺเสว เทสนาญาณญฺจ ปฏิเวธญาณญฺจาติ เวทิตพฺพํ.

สมฺมเทวาติ เหตุนา นเยเนว ๕- การเณเนว. อนุปฺปวตฺเตตีติ ยถา ปุรโต คจฺฉนฺตสฺส ปจฺฉโต คจฺฉนฺโต ตํ อนุคจฺฉติ นาม, เอวํ ปฐมตรํ สตฺถารา ปวตฺติตํ เถโร อนุปฺปวตฺเตติ นาม. กถํ? สตฺถา หิ "จตฺตาโรเม ภิกฺขเว สติปฏฺฐานา,