@๗ ฉ.ม. กณฺฑมฺพรุกฺขมูเล ติตฺถิยมทฺทนํ ยมกปาฏิหาริยํ กตฺวา กหํ นุ โข วสฺสํ อุปคจฺฉนฺตี"ติ ๑- อาวชฺเชนฺโต "ตาวตึสภว- เน"ติ ญตฺวา เทฺว ปทนฺตรานิ ทสฺเสตฺวา ตติเยน ปเทน ตาวตึสภวเน ปจฺจุฏฺฐาสิ. สกฺโก เทวราชา ภควนฺตํ ทิสฺวา ปณฺฑุกมฺพลสิลาโต อุฏฺฐาย สทฺธึ เทวคเณหิ ปจฺจุคฺคมนํ อคมาสิ. เทวา จินฺตยึสุ "สกฺโก เทวราชา เทวคณปริวุโต สฏฺฐิโยชนายามาย ปณฺฑุกมฺพลสิลายํ นิสีทิตฺวา มหาสมฺปตฺตึ อนุภวติ, พุทฺธานํ นาม นิสินฺนกาลโต ปฏฺฐาย น สกฺกา อญฺเญน เอตฺถ หตฺถํปิ ฐเปตุนฺ"ติ. สตฺถาปิ ตตฺถ นิสินฺโน ๒- เตสํ จิตฺตวารํ ญตฺวา มหาปํสุกูลิโก วิย มุณฺฑปีฐกํ ๓- สพฺพเมว ปณฺฑุกมฺพลสิลํ อวตฺถริตฺวา นิสีทิ. เอวํ นิสีทนฺโต ปน อตฺตโน สรีรํ มหนฺตํ กตฺวา มาเปสิ, ปณฺฑุกมฺพลํ ๔- วา ขุทฺทกํ อกาสีติ น สลฺลกฺเขตพฺพํ. อจินฺเตยฺโย หิ พุทฺธวิสโย. เอวํ นิสินฺโน ปน มาตรํ กายสกฺขึ กตฺวา ทสสหสฺสจกฺกวาฬเทวตานํ "กุสลา ธมฺมา อกุสลา ธมฺมา"ติอาทิกํ อภิธมฺมปิฏกํ เทเสตุํ อารทฺโธติ. ๕-

ปาฏิหาริยฏฺฐาเนปิ สพฺพา ทฺวาทสโยชนิกา ปริสา อนุรุทฺธํ อุปสงฺกมิตฺวา "กหํ ภนฺเต ทสพโล ฐิโต"ติ ปุจฺฉึสุ. ๖- ตาวตึสภวเน ปณฺฑุกมฺพลสิลายํ วสฺสํ อุปคนฺตฺวา อภิธมฺมปิฏกํ เทเสตุํ อารทฺโธติ. ๗- ภนฺเต น มยํ สตฺถารํ อทิสฺวา คมิสฺสาม, กทา สตฺถา อาคมิสฺสตีติ สตฺถุ อาคมนกาลํ ชานาถาติ. มหาโมคฺคลฺลานตฺเถรสฺส ภารํ กโรถ, โส พุทฺธานํ สนฺติกํ คนฺตฺวา สาสนํ อาหริสฺสตีติ. กิมฺปน เถรสฺส ตตฺถ คนฺตุํ พลํ นตฺถีติ? อตฺถิ, วิเสสวนฺตานมฺปน วิเสสํ ปสฺสนฺตูติ เอวมาห. มหาชโน มหาโมคฺคลฺลานตฺเถรํ อุปสงฺกมิตฺวา สตฺถุ สาสนํ คเหตฺวา อาคมนตฺถาย ยาจิ. เถโร ปสฺสนฺตสฺเสว มหาชนสฺส ๘- มหาปฐวิยํ นิมุชฺชิตฺวา อนฺโตสิเนรุนา คนฺตฺวา สตฺถารํ วนฺทิตฺวา อาห "ภนฺเต มหาชโน ตุมฺหากํ ทสฺสนกาโม, อาคมนทิวสํ โว ชานิตุํ อิจฺฉตี"ติ. เตนหิ "อิโต เตมาสจฺจเยน สงฺกสฺสนครทฺวาเร

@๒ สี.,อิ. นิสีทนฺโตว ๓ สี.,อิ.,ม. ขุทฺทปีฐกํ ๔ ฉ.ม.,อิ. ปณฺฑุกมฺพลสิลํ