@๕ ฉ.ม....อกุสลา ธมฺมา อพฺยากตา ธมฺมาติ อภิธมฺมปิฏกํ เทเสสิ,

@อิ....อภิธมฺมปิฏกํ เทเสสิ ๖ ฉ.ม. คโตติ ปุจฺฉิ ๗ ฉ.ม. อภิธมฺมกถํ

@เทเสตุํ คโตติ ๘ ฉ.ม. ปสฺสนฺเตเยว มหาชเน ปสฺสถา"ติ ๑- วเทหีติ. เถโร ภควโต สาสนํ อาหริตฺวา มหาชนสฺส กเถสิ. มหาชโน ตตฺเถว เตมาสํ ขนฺธาวารํ พนฺธิตฺวา วสิ. จุลฺลอนาถปิณฺฑิโก ทฺวาทสโยชนาย ปริสาย เตมาสํ ยาคุภตฺตํ อทาสิ. ๒-

สตฺถาปิ สตฺตปฺปกรณานิ เทเสตฺวา มนุสฺสโลกํ อาคมนตฺถาย อากปฺปํ ทสฺเสสิ. สกฺโก เทวราชา วิสฺสุกมฺมํ ๓- อามนฺเตตฺวา ตถาคตสฺส โอตรณตฺถาย โสปาณํ มาเปตุํ อาณาเปสิ. โส เอกโต สุวณฺณมยํ เอกโต รชตมยํ โสปาณํ มาเปตฺวา มชฺเฌ มณิมยํ มาเปสิ. สตฺถา มณิมเย โสปาเณ ฐตฺวา "มหาชโน มํ ปสฺสตู"ติ อธิฏฺฐาสิ. อตฺตโน อานุภาเวน "มหาชโน อวีจิมหานิรยํ ปสฺสตู"ติ อธิฏฺฐาสิ. นิรยทสฺสเนน จสฺส อุปฺปนฺนสํเวคํ ๔- ญตฺวา เทวโลกํ ทสฺเสสิ. อถสฺส โอตรนฺตสฺส มหาพฺรหฺมา ฉตฺตํ ธาเรสิ, สกฺโก เทวราชา ปตฺตํ ๕- คณฺหิ, สุยาโม เทวราชา ทิพฺพวาลวีชนึ วีชิ, ปญฺจสิโข คนฺธพฺพเทวปุตฺโต เพลุวปณฺฑุวีณํ สมปญฺญาสาย ตนฺติยา ๖- มุจฺฉนาหิ มุจฺฉิตฺวา ๗- วาเทนฺโต ปุรโต โอตริ. พุทฺธานํ ปฐวิยํ ปติฏฺฐิตกาเล "อหํ ปฐมํ วนฺทิสฺสามิ, อหํ ปฐมํ วนฺทิสฺสามี"ติ มหาชโน อธิฏฺฐาสิ. ๘- สห มหาปฐวิอกฺกมเนน ปน ภควโต เนว มหาชโน น อสีติมหาสาวกา ปฐมํ วนฺทนํ สมฺปาปุณึสุ, ธมฺมเสนาปติ สาริปุตฺตตฺเถโรเยว ปน สมฺปาปุณิ.