อถ สตฺถา ทฺวาทสโยชนาย ปริสาย อนฺตเร "เถรสฺส ปญฺญานุภาวํ ชานาตู"ติ ๙- ปุถุชฺชนปญฺจกํ ปญฺหํ อารภิ. ปฐมํ โลกิยมหาชโน สลฺลกฺเขสฺสตีติ ปุถุชฺชนปญฺหํ ปุจฺฉิ. เย เย สลฺลกฺขึสุ, เต เต กถยึสุ. ทุติยํ ปุถุชฺชนวิสยํ อติกฺกมิตฺวา โสตาปตฺติมคฺเค ปญฺหํ ปุจฺฉิ. ปุถุชฺชนา ตุณฺหี อเหสุํ, โสตาปนฺนาว กถยึสุ. ตโต โสตาปนฺนานํ วิสยํ อติกฺกมิตฺวา สกทาคามิมคฺเค ปญฺหํ ปุจฺฉิ. โสตาปนฺนา ตุณฺหี อเหสุํ, สกทาคามิโนว กถยึสุ. เตสํปิ วิสยํ อติกฺกมิตฺวา

@๔ ฉ.ม.,อิ. อุปฺปนฺนสํเวคตํ ๕ สี.,อิ. ปตฺตจีวรํ ๖ ฉ.ม.,อิ. อยํ ปาโฐ น

@ทิสฺสติ ๗ สี.,อิ. มุจฺเฉตฺวา ๘ ฉ.ม. อฏฺฐาสิ ๙ ฉ.ม. ชานนฺตูติ อนาคามิมคฺเค ปญฺหํ ปุจฺฉิ. สกทาคามิโน ตุณฺหี อเหสุํ, อนาคามิโนว กถยึสุ. เตสํปิ วิสยํ อติกฺกมิตฺวา อรหตฺตมคฺเค ปญฺหํ ปุจฺฉิ. อนาคามิโน ตุณฺหี อเหสุํ, อรหนฺโตว กถยึสุ. ตโต เหฏฺฐิมโกฏิโต ปฏฺฐาย อภิญฺญาเต ๑- สาวเก ปุจฺฉิ, เต อตฺตโน ปฏิสมฺภิทาวิสเย ฐตฺวา กถยึสุ. อถ มหาโมคฺคลฺลานํ ปุจฺฉิ, เสสสาวกา ตุณฺหี อเหสุํ, เถโรว กเถสิ. ตสฺสาปิ วิสยํ อติกฺกมิตฺวา สาริปุตฺตวิสเย ปญฺหํ ปุจฺฉิ. มหาโมคฺคลฺลาโน ตุณฺหี อโหสิ, สาริปุตฺตตฺเถโรว กเถสิ. เถรสฺสปิ วิสยํ อติกฺกมิตฺวา พุทฺธวิสเย ปญฺหํ ปุจฺฉิ. ธมฺมเสนาปติ อาวชฺเชนฺโตปิ ปสฺสิตุํ น สกฺโกติ, ปุรตฺถิมปจฺฉิมุตฺตรทกฺขิณา จตสฺโส ทิสา จตสฺโส อนุทิสาติ อิโต จิโต จ โอโลเกตฺวา ๒- ปญฺหุปฺปตฺติฏฺฐานํ สลฺลกฺเขตุํ นาสกฺขิ.