กถํ คุณาติเรกโตติ? ฐเปตฺวา หิ ทสพลํ อญฺโญ โกจิ เอกสาวโกปิ มหาปญฺญตาย ธมฺมเสนาปตินา สทิโส นาม นตฺถีติ เอวํ คุณาติเรกโตปิ เถโร มหาปญฺญตาย เอตทคฺคฏฺฐานํ ลภิ.

ยถา จ สาริปุตฺตตฺเถโร, เอวํ มหาโมคฺคลฺลานตฺเถโรปิ สพฺเพเหว จตูหิปิ อิเมหิ การเณหิ เอตทคฺคฏฺฐานํ ลภิ. กถํ? เถโร หิ มหิทฺธิโก มหานุภาโว นนฺโทปนนฺทสทิสํ นาคราชานํ ทเมสีติ เอวํ ตาว อตฺถุปฺปตฺติโต ลภติ. ๒- น ปเนส อิทาเนว มหิทฺธิโก มหานุภาโว, อตีเต ปญฺจ ชาติสตานิ อิสิปพฺพชฺชํ ปพฺพชิโตปิ มหิทฺธิโก มหานุภาโว อโหสีติ.

โย ปพฺพชี ชาติสตานิ ปญฺจ

ปหาย กามานิ มโนรมานิ