นาครา จินฺเตสุํ "อชฺช สตฺถุ โลเก อุปฺปนฺนสฺส สตฺตมาสาธิกานิ สตฺต สํวจฺฉรานิ, มยญฺจ ทฏฺฐุมฺปิ น ลภาม, ปเคว ภิกฺขํ วา ทาตุํ ปูชํ วา กาตุํ ธมฺมํ วา โสตุํ. ราชา `มยฺหํเอว พุทฺโธ, มยฺหํ ธมฺโม, มยฺหํ สํโฆ'ติ มมายิตฺวา สยเมว อุปฏฺฐหติ. สตฺถาว ๗- อุปฺปชฺชมาโน สเทวกสฺส โลกสฺส อตฺถาย อุปฺปนฺโน, น หิ รญฺโญเยว อตฺถาย อุปฺปนฺโน. น หิ รญฺโญว นิรโย ๘- อุโณฺห, อญฺเญสํ นีลุปฺปลสทิโส. ตสฺมา ราชานํ เอวํ วทาม `สเจ โน สตฺถารํ เทติ, อิจฺเจตํ กุสลํ. โน เจ เทติ, รญฺญา สทฺธึ ยุชฺฌิตฺวา สํฆํ คเหตฺวา ทานาทีนิ ปุญฺญานิ

@๕ สี. คนฺธนฺตเร ปุปฺผานิ ปุปฺผนฺตเร ๖ ฉ.ม. คนฺเธ จ ฐปาเปตฺวา ๗ ฉ.ม. สตฺถา จ

@๘ สี. นรโก กโรม. น สกฺกา โข ปน สุทฺธนาคเรเหว เอวํ กาตุํ, เอกํ เชฏฺฐกปุริสํปิ คณฺหามา"ติ เสนาปตึ อุปสงฺกมิตฺวา ตสฺส ตมตฺถํ อาโรเจตฺวา "สามิ กึ อมฺหากํ ปกฺโข โหหิสิ, อุทาหุ รญฺโญ"ติ อาหํสุ. โส อาห "ตุมฺหากํ ปกฺโข โหมิ, อปิจ โข ปน ปฐมทิวโส มยฺหํ ทาตพฺโพ"ติ. เต สมฺปฏิจฺฉึสุ.