ตสฺส ปพฺพชฺชญฺจ อุปสมฺปทญฺจ ลภิตฺวา ราชคเห วิหรนฺตสฺส พหู ๕- ญาติสาโลหิตา จ สนฺทิฏฺฐสมฺภตฺตา จ สกฺการสมฺมานํ อาหรนฺติ, รูปนิปฺผตฺติยา วณฺณํ กเถนฺติ, อญฺเญปิ ชนา ปสฺสิตุํ อาคจฺฉนฺติ. เถโร จินฺเตสิ "มม สนฺติกํ พหู ชนา อาคจฺฉนฺติ, กมฺมฏฺฐาเน วา วิปสฺสนาย วา กมฺมํ กาตุํ กถํ สกฺขิสฺสามิ, ยนฺนูนาหํ สตฺถุ สนฺติเก กมฺมฏฺฐานํ คเหตฺวา ๖- สีตวนสุสานํ คนฺตฺวา สมณธมฺมํ

@๔ วิ.มหา. ๕/๒๔๓/๔ จมฺมกฺขนฺธก ๕ ฉ.ม. สมฺพหุลา

@๖ ฉ.ม.,อิ. กถาเปตฺวา. เอวมุปริปิ กเรยฺยํ. ตตฺร หิ สุสานํ ๑- ชิคุจฺฉิตฺวา พหู ชนา นาคมิสฺสนฺติ, เอวํ สนฺเต มม กิจฺจํ มตฺถกํ ปาปุณิสฺสตี"ติ สตฺถุ สนฺติเก กมฺมฏฺฐานํ คเหตฺวา สีตวนํ คนฺตฺวา สมณธมฺมํ กาตุํ อารภิ. โส จินฺเตสิ "มยฺหํ สรีรํ ปรมสุขุมาลํ, น โข ปน สกฺกา สุเขเนว สุขํ ปาปุณิตุํ, กายํ กิลเมตฺวาปิ สมณธมฺมํ กาตุํ วฏฺฏตี"ติ. ตโต ฐานจงฺกมเมว อธิฏฺฐาย ปธานมกาสิ. ตสฺส สุขุมาลานํ ปาทตลานํ อนฺตเรหิ โผตา อุปฏฺฐาย ๒- ภิชฺชึสุ, จงฺกโม เอกโลหิโตว อโหสิ. ปาเทสุ อวหนฺเตสุ ชณฺณุเกหิปิ หตฺเถหิปิ วายมิตฺวา จงฺกมติ. เอวํ วิริยํ ทฬฺหํ กโรนฺโตปิ โอภาสมตฺตํปิ นิพฺพตฺเตตุํ อสกฺโกนฺโต จินฺเตสิ "สเจปิ อญฺโญ อารทฺธวิริโย ภเวยฺย, มาทิโสว ภเวยฺย. อหํ โข ปน เอวํ วายมนฺโต มคฺคํ วา ผลํ วา อุปฺปาเทตุํ น สกฺโกมิ, อทฺธา เนวาหํ ๓- อุคฺฆฏิตญฺญู, น วิปจิตญฺญู, น เนยฺโย, ปทปรเมน มยา ภวิตพฺพํ. กึ เม ปพฺพชฺชาย, หีนายาวตฺติตฺวา โภเค จ ภุญฺชิสฺสามิ ปุญฺญานิ จ กริสฺสามี"ติ.