ตสฺมึ สมเย สตฺถา เถรสฺส วิตกฺกํ ญตฺวา สายณฺหสมเย ภิกฺขุสํฆปริวุโต ตตฺถ คนฺตฺวา โลหิเตน ผุฏฺฐํ จงฺกมํ ทิสฺวา เถรํ วีโณวาเทน ๔- โอวทิตฺวา วิริยสมถโยชนตฺถาย ๕- ตสฺส กมฺมฏฺฐานํ กเถตฺวา คิชฺฌกูฏเมว คโต. โสณตฺเถโรปิ ทสพลสฺส สมฺมุขา โอวาทํ ลภิตฺวา น จิรสฺเสว อรหตฺเต ปติฏฺฐาสิ. อถ สตฺถา อปรภาเค เชตวเน ภิกฺขุสํฆปริวุโต ธมฺมํ เทเสนฺโต เถรํ อารทฺธวิริยานํ อคฺคฏฺฐาเน ฐเปสีติ.

โสณกุฏิกณฺณตฺเถรวตฺถุ

[๒๐๖] อฏฺฐเม กลฺยาณวากฺกรณานนฺติ วากฺกรณํ วุจฺจติ วจนํ, กลฺยาณวากฺกรณํ มธุรวจนนฺติ อตฺโถ. ๖- อยญฺหิ เถโร ทสพเลน สทฺธึ เอกคนฺธกุฏิยา ตถาคตสฺส มธุเรน สทฺเทน ๗- ธมฺมกถํ กเถสิ. อถสฺส สตฺถา สาธุการํ อทาสิ. ตสฺมา โส กลฺยาณวากฺกรณานํ อคฺโค นาม ชาโต. โสโณติ ตสฺส นามํ,