โสภนํ นาม อุยฺยานํ ปฏิคฺคณฺห มหามุนี"ติ

@๓ สี.,อิ. โสภนสฺส นาม, ฉ.ม. โสภนนามสฺส

@๔ สี.,อิ.,ฉ.ม. รตฺติฏฺฐานทิวาฏฺฐานตฺถาย ๕ สี.,อิ. สตสหสฺสภิกฺขุปริวาโร วิหารํ นิยฺยาเทสิ. โส วสฺสูปนายิกทิวเส ทานํ ทตฺวา อตฺตโน ปุตฺตทาเร จ อมจฺเจ จ ปกฺโกสาเปตฺวา อาห "สตฺถา อมฺหากํ สนฺติกํ ทูรโตว อาคโต, พุทฺธา จ นาม เม ธมฺมครุโน ๑- น อามิสจกฺขุกา. ตสฺมา อหํ อิมํ เตมาสํ เทฺว สาฏเก นิวาเสตฺวา ทส สีลานิ สมาทิยิตฺวา อิเธว วสิสฺสามิ, ตุเมฺห ขีณาสวสตสหสฺสสฺส อิมินาว นีหาเรน เตมาสํ ทานํ ทเทยฺยาถา"ติ.