กุฬีโร สห อิตฺถีสทฺทสฺสวเนน คหณํ สิถิลมกาสิ. อถ นํ หตฺถินาโค "อยเมวสฺส โอกาโส"ติ เอกํ ปาทํ คหิตากาเรเนว ฐเปตฺวา ทุติยํ อุกฺขิปิตฺวา ตํ ๓- ปิฏฺฐิกปาเล อกฺกมิตฺวา วิจุณฺณิกํ กตฺวา ตํ อากฑฺฒิตฺวา ตีเร ขิปิ. อถ นํ สพฺเพ หตฺถิโน สนฺนิปติตฺวา "อมฺหากํ เวรี"ติ วิจุณฺณยึสุ. เอวํ ตาว อิตฺถีสทฺโท สุวณฺณกกฺกฏกสฺส จิตฺตํ ปริยาทิยิ. ๔-

สุวณฺณโมโรปิ หิมวนฺตํ อนุปวิสิตฺวา มหนฺตํ ปพฺพตคหนํ นิสฺสาย วสนฺโต นิจฺจกาลํ สุริยสฺส อุทยกาเล สุริยมณฺฑลํ โอโลเกตฺวา ๕- อตฺตโน รกฺขํ กโรนฺโต เอวํ วทติ:-

"อุเทตยญฺจกฺขุมา เอกราชา

หริสฺสวณฺโณ ปฐวิปฺปภาโส