@๓ ขุ.ธ. ๒๕/๗๖/๓๐ ราธตฺเถรวตฺถุ ๔ ฉ.ม.,อิ. สตฺถลูขํ สุตฺตลูขํ รชนลูขนฺติ

@๕ ฉ.ม.,อิ. ธาเรสิ

ตสฺมึ กาเล กสฺสปทสพโล โลเก อุปฺปชฺชิ. กฏฺฐวาหนราชา "พุทฺโธ กิร โลเก อุปฺปนฺโน"ติ สุตฺวา ตํ ปกฺโกสาเปตฺวา อาห "ตาต พุทฺโธ กิร โลเก อุปฺปนฺโน, อิมญฺจ ปจฺจนฺตนครํ เอกปฺปหาเรเนว อุโภหิ อเมฺหหิ ตุจฺฉกํ กาตุํ น สกฺกา, ตฺวํ ตาว มชฺฌิมเทสํ คนฺตฺวา พุทฺธสฺส อุปฺปนฺนภาวํ ญตฺวา ทสพลํ คเหตฺวา ๑- อิมํ นครํ อาเนหี"ติ ปุริสสหสฺเสน สทฺธึ เปเสสิ. โส อนุปุพฺเพน สตฺถุ สนฺติกํ คนฺตฺวา ธมฺมกถํ สุตฺวา ปฏิลทฺธสทฺโธ ตตฺเถว ปพฺพชิตฺวา วีสติ วสฺสสหสฺสานิ สมณธมฺมํ อกาสิ. เตน สทฺธึ คตปุริสา ปน สพฺเพปิ นิวตฺติตฺวา ปุน รญฺโญ สนฺติกํ อาคตา.